പള്ളിപ്പാട് ടുഡേ -പ്രാദേശിക വാര്‍ത്തകള്‍

നടേവാലേല്‍ സ്കൂളിന് സ്വന്തമായൊരു മൈക്ക് - സംഭാവന സ്വീകരിച്ചു തുടങ്ങി

          പൂര്‍വ്വ വിദ്യാര്‍ത്ഥിയായ ഹരികുമാറില്‍ നിന്നും സ്കൂള്‍ ഹെഡ്മിസ്ട്രസ് ശശിലേഖടീച്ചര്‍ ആദ്യസംഭാവന   സ്വീകരിക്കുന്നു                                                                              

 

 

 

 

 

 

നടുവട്ടം -നടുവട്ടം ഗവ.എല്‍.പി സ്കൂളിന് (നടേവാലേല്‍ സ്കൂള്‍ ) അദ്ധ്യാപക രക്ഷാകര്‍ത്തൃനമിതി  മുന്‍കൈയ്യെടുത്ത് പൂര്‍വ്വ വിദ്യാര്‍ത്ഥികളുടേയും അഭ്യുദയകാംക്ഷികളുടേയും  സഹായത്തോടെ  സ്കൂളിനൊരു മൈക്ക് പരിപാടി ആരംഭിച്ചു. സ്കൂളിലെ പരിപാടികള്‍ക്ക് മൈക്ക് പുറത്തുനിന്നും വിളിക്കേണ്ടതിനാല്‍ സാമ്പത്തികബുദ്ധിമുട്ടുമൂലം കഴിയാറുമില്ല. പാവപ്പെട്ട വീടുകളിലെ കുട്ടികളാണ്  ഇവിടെ പഠിക്കുന്ന കുട്ടികള്‍. പി.ടി,എ ഫണ്ടുപിരിച്ച് പ്രവര്‍ത്തനങ്ങള്‍ മുന്നോട്ടു കൊണ്ടുപോകുന്നതിനാവശ്യമായ പണം നല്‍കാന്‍ രക്ഷിതാക്കള്‍ക്ക് കഴിയാറില്ല. ഈ സാഹചര്യത്തിലാണ്  അറിവിന്റെ അക്ഷയഖനി തുറന്നിട്ട തങ്ങളുടെ പ്രിയപ്പെട്ട വിദ്യാലയത്തിനുവേണ്ടി  പൂര്‍വ്വവിദ്യാര്‍ത്ഥികളുടെ സഹായം തേടാന്‍ പി.ടി.എ തീരുമാനിച്ചത്.തങ്ങളുടെ ഉയര്‍ച്ചയുടെ പടവുകളില്‍ നിര്‍ണ്ണായകസ്വാധീനം ചെലുത്തിയ വിദ്യാലയത്തെ സഹായിക്കാന്‍ തയ്യാറാണെന്ന്  പലരും അറിയിച്ചു കഴിഞ്ഞു. എല്ലാവരുടേയും സഹകരണത്തോടെ കട്ടികള്‍ക്ക് പ്രയോജനകരമായ നിരവധിപ്രവര്‍ത്തനങ്ങള്‍ ആരംഭിക്കാനും പി.ടി.എ ലക്ഷ്യമിടുന്നുണ്ട്. പണമാണ് പലതിനും തടസ്സമായിട്ടുള്ളത്.  സ്കൂളിനെ സഹായിക്കാന്‍ താല്‍പര്യമുള്ള പൂര്‍വ്വവിദ്യാര്‍ത്ഥികളും അഭ്യുദയകാംക്ഷികളും സ്കൂള്‍ ഹെഡ് മിസ്ട്രസ്സിനെ വിവരം അറിയിക്കണമെന്ന്  താല്‍പര്യപ്പെടുന്നു.